Штутгарт со реми против Лајпциг (1-1) ја почна новата сезона во германската Бундеслига, а македонскиот репрезентативец Дарко Чурлинов одигра половина час за неговиот тим.

Лајпциг преку Нкунку во осмата минута го презема водството на натпреварот, но сепак Ахамада во 31. минута израмни на 1-1, по што до крајот на мечот имаше по неколку шанси на двете страни, меѓутоа мрежите мируваа.

Чурлинов беше одличен претходно за Штутгарт во Купот, откако постигна гол за победа против Дрезден од 1-0, па се очекува да добие поголема минутажа сезонава во бундеслигашот.