Хрватската кошаркарска репрезентација во првото коло од групата Ц на Европското првенство во Милано играше против еден од најтешките можни противници, селекцијата на Грција.
Хрватската кошаркарска репрезентација загуби од Грција во првото коло од групата Ц на Европското првенство. Грците победија со 89:85, Хрватска беше блиску, но сепак на крајот не успеаја да најдат пат до победата.
И конечниот резултат е добар за Хрватите со оглед на тоа како изгледаше Хрватска во првите 20 минути. Хрватска само во почетните минути изгледаше добро, но продолжението на полувремето донесе многу проблеми, пред се во нападот. На другата страна, Тајлер Дорси правеше огромни проблеми и на паузата разликата беше голема.
Стартот беше добар, Хрватска почна со водство од 7:0, Бојан Богдановиќ добро влезе во игра, но Грција имаше подготвен одговор, Дорси го полнеше хрватскиот кош во остатокот од полувремето, секако проблеми направи и Јанис Антетокунмпо, а во голема мера помогна и несмасниот настап на Хрватска во нападот со многу погрешни одлуки и изгубени топки.
Од почетокот на вториот дел Хрватска изгледаше подобро, иако Грција сепак одржуваше двоцифрено водство.
Во третиот дел, Смит и Симон повлекоа во серијата на Хрватска 15:0, што и овозможи на Хрватска да намали на 62:60.
Грците уште еднаш се одлепија, но Хрватска не се откажа и во последниот дел си даде уште една шанса. Таа го намали резултатот на 84:82, имаше напад за израмнување, но Зубац не погоди, на другата страна Јанис ги зема работите во свои раце, заби и го блокира Смит на тројка, уфрли од контра и тоа беше крајот на приказната.
Хрватска стартуваше со пораз, но покажа дека може да игра со најдобрите. Многу добро второ полувреме и враќање во игра, но на крајот сепак преовладуваше класата на Антетокунмпо.
Утре со почеток од 14 часот и 15 минути Хрватска игра против Велика Британија.
