Вчерашната смрт на Кралицата Елизабета донесе голема тага во целиот свет, каде што насекаде се оддаваше почест на најдолготрајниот британски монарх, но на едно место оваа вест донесе – радост.

Станува збор за Ирска, каде што на мечот од Конференциската лига помеѓу Шамрок и Ѓургарден домашните навивачи го славеа нејзиното заминување во вечноста и правеа пародија од овој тажен настан

„Лизи е во ковчег, Лизи во ковчег“, ечеше морбидната песна на стадионот.

Јасна е причината поради ваквата постапка на ирските навивачи, со оглед што долготрајно е непријателството помеѓу Ирците и Англичаните. Средбата во Даблин, инаку, заврши без голови.