После четири ремија во низа, конечно Евертон успеа да се израдува на првата сезонска победа во Премиерлигата, па „карамелите“ ја продлабочија кризата на Вест Хем и лондонскиот клуб го оставија при самото дно на табелата со минималецот со 1-0 на „Гудисон Парк“.

Нил Мапеј осум минути по стартот на вториот дел даде гол кој го реши мечот па Евертон сега со седум бода, дојде до 13-то место после слабиот старт на сезоната без победа во шест меча.

Вест Хем, пак, кој лани играше извонредно и избори излез во Европа, летово иако се расфрлаше со пари за засилувања е непрепознатлив и со петтиот пораз во седмиот меч остана на само четири бода, трет одзади со само една победа и едно реми досега.