Македонија од двомечот загуби 16,69 рејтинг поени после двата порази и сега ќе има 1.358,51 поени, па августовското 64-то место со 1.375 рејтинг поени ќе го замени со 65-то место на следното рангирање. Да не падне Македонија за уште една позиција вчера ја спаси и Исланд со голот за теми во 97-та минута против Албанија (1-1), по што западниот сосед остана зад нас на само четири поени разлика, а Словенија сега нѐ прескокна и дојде до 63-та позиција.
На врвот на листата нема преголеми промени и најдобрите десет остануваат во најелитното друштво со само една промена, Италија ќе напредува на шестото, а Шпанија ќе падне на седмото место. Бразил е прв пред Белгија, Аргентина, Франција, Англија, Италија, Шпанија, Холандија, Португалија и Данска.
