Џад Белингем, фудбалерот на Борусија Дортмунд има само една желба, да игра во Реал Мадрид и веројатно залудна е битката на сите останати европски гиганти во трката за неговиот потпис.

Белингем, кој е англиски репрезентативец, на лето ќе си оди од Дортмунд и тоа сигурно за најмалку 100 милиони евра вреден трансфер, а иако подолга е листата на заинтересирани од Ливерпул, Манчестер сити, Манчестер јунајтед, Барселона…, „кралскиот клуб“ е во пол-позиција само зашто фудбалерот сака да го носи „белиот дрес“.

Како што објавија шпанските медуми од многу релевантни извори, менаџерската агенција која го застапува Англичанецот веќе ги информирала челниците на „кралевите“, пред сè Флорентино Перез, дека 19-годишниот фудбалер за врска има исклучиво желба да игра на „Сантјаго Бернабеу“.

Во Реал веќе гледаат идна замена за Лука Модриќ и Тони Крос во Белингем, кога ветераните ќе се решат да стават крај на кариерата или да си заминат од мадридскиот великан, а Реал досега донесе два огромни таленти во средниот ред во Французите, Едуард Камавинга (Рен) и Орелиен Чуамени (Монако) и без многу проблеми се простија од Касемиро, кој беше дел од фантастичното трио што донесе четири европски титули во последните шест години.

Инаку Белингем веќе се запиша во историјата на ЛШ, како трет тинејџер кој успеал да даде гол на воведните четири меча во ЛШ, после Ерлинг Браут Халанд и Килијан Мбапе, но неговиот ефект е поголем зашто станува збор за фудбалер за врска, а не напаѓач.