Душан Влаховиќ се повреди во поразот на Јувентус од Бенфика (4-3), но според првите информации од Италија повредата не е од сериозна природа.

Српскиот напаѓач се пожалил на болки во мускулот, а појасна слика ќе има по денешните детални прегледи.

Сепак, се претпоставува дека Влаховиќ ќе биде неизвесен само за следниот натпревар од Серија А против Лече в сабота, а неговиот настап на Светското првенство во Катар нема да биде доведен во прашање.

Влаховиќ оваа сезона на 15 натпревари постигна осум гола со една асистенција.