Макс Верстапен триумфираше и на ГП на Мексико и со тоа стигна до 14. победа во Ф1 шампионатот сезонава со што ги надмина легендарните Себастијан Фетел и Михаел Шумахер кои останаа со 13. победи во една сезона.

Возачот на Ред Бул, Верстапен кој стартуваше од пол позицијата успеа да мине прв низ целта, пред Луис Хамилтон од Мерцедес, а трет на подиумот се искачи миленикот на домашната публика Серхио Перез.

Возачите на Ферари, Сајнц и Леклер завршија на петтата односно шестата позиција.

До крајот на шампионатот во Ф1 останаа уште две трки, а првата е за две седмици кога ќе се одржи ГП на Бразил во Сао Пауло.