Барселона сериозно е заинтересирана за 21-годишниот играч за врска од Бенфика.

Португалски Рекорд тврди дека станува збор за аргентинецот Енцо Фернандез, и наведува дека каталонскиот гигант во него го гледа наследникот на Серхио Бускетс.

“Без сомневање, Енцо Фернандез постана едно од откритијата на Лигата на шампиони. Аргентинскиот играч за врска предизвика одушевување заради начинот на кој ја води играта. Се укажува на тоа дека неговата цена ќе биде висока, бидејќи нема многу такви фудбалери”, додава шпански Спорт.

Спорт порано пишуваше дека Барселона го прати развојот на Фернандез во Бенфика, во која пристигна летоска од Ривер Плата за 12 мил. евра. Kaталонците го прателе уште додека играл во Аргентина, но тогаш не можеа да го донесат заради финансиските проблеми. Според Трансфермаркет, Фернандез вреди 35 мил. евра а има откупна клаузула од 120 мил. евра.

Ливерпул наводно е исто така заинтересиран, но досега нема повлечено конкретен потез околу трансферот. Договорот на Фернандез е до 2027 год. Со Бенфика го освои првото место во групата Х од ЛШ, пред екипите на ПСЖ и Јувентус, а оваа сезона постигна три голови а имаше и четири асистенции.