Еден од најдобрите фудбалери во светот и ѕвезда на Манчестер сити, Ерлинг Халанд нема да настапи на Мундијалот во Катар затоа што Норвешка не се пласира меѓу најдобрите репрезентации во светот.

Напаѓачот на Манчестер сити ќе го гледа Светското првенство на телевизија, но и ќе ја искористи паузата во шампионатите да одмори за вториот дел од сезоната во кој го очекува голема битка со „граѓаните“ за титулата во Премиерлигата, но и другите трофеи.

Халанд во разговор за британски „Гол“ кажа дека имал можност да игра за Англија, затоа што е роден во Лидс, но сепак кажа дека се чувствува горд што е Норвежанец и немал дилеми за неговата иднина.

„Роден сум во Англија и живеев таму три ипол години, но во Норвешка поминав повеќе време. Природно за мене беше да ја изберам Норвешка. Јас сум горд Норвежанец и чест ми е да играм за Норвешка“, вели Халанд.

Норвешкото чудо од дете и оваа сезона игра во одлична форма, па на 17 настапи за „граѓаните“ постигна 23 голови и три асистенции во сите натпреварувања.