(ВИДЕО) Лука Дончиќ ги „изрешета“ Клиперси

Далас Маверикс во ноќта зад нас го совладаа Лос Анџелес Клиперс со 103:101.

Далас Маверикс повторно беа кобни за Лос Анџелес Клиперс и по победата над Портланд сега имаат две во низа, односно три во последните пет натпревари.

Словенечкиот репрезентативец Лука Дончиќ одигра одличен меч и повторно беше криптонит кај момците од Калифорнија постигнувајќи 35 поени со 11 скока и 5 асистенции.

Лука Дончиќ шутираше 11 од 22 од поле, 9 од 17 за двојки и 2 од 5 за тројки, додека од линијата за слободни фрлања беше перфектен – 11 од 11, а со овој настап додаде и 3 украдени топки и 3 загубени топки со 3 лични грешки во 39-те минути што ги мина на паркетот.

Дончиќ е легитимен кандидат за МВП, дури и фаворит по повеќе од еден месец вакви „брутални“ игри бидејќи 11 од 13 натпревари сезонава заврши со најмалку 30 освоени поени.

Маверикс одиграа маестрално прво полувреме, постигнувајќи 30 поени во првата четвртина и 24 поени во втората четвртина за водство од повеќе од 20 поени, кои Пол Џорџ и неговите соиграчи ги стопија во третата четвртина.

Клиперси беа блиску до пресврт и целосно да го шокираат Далас, но Дончиќ не дозволи.

Клучниот кош беше постигнат на 28 секунди пред крајот кога топката стигна на левата страна и се чинеше дека ќе оди во рацете на Спенсер Динвиди, но Дончиќ „пресече“, ја прифати одговорноста и погоди важен шут за 101:99.

Го следеше Доријан Фини Смит со 21 поен, Динвиди додаде 16 со 3 скока и 6 асистенции, Кристијан Вуд постигна 15 со 7 скока, а Реџи Булок имаше 13.

Во редовите на Клиперс го видовме Пол Џорџ со 23 поени, 7 скока и 6 асистенции, но имаше и 10 загубени топки, 22 поени и 5 скока имаше учинокот на Ник Батум, 18 додаде Маркус Морис, а 17 Џон Вол, додека Ивица Зубац имаше само 4 поени.