На 91-годишна возраст почина познатиот тениски тренер Ник Болитиери.
Според американските медиуми, Болитиери починал по долга борба со тешката болест.
Во текот на својата кариера, италијанско-американскиот стручњак тренираше бројни тениски легенди како Андре Агаси, Марио Шарапова, Моника Селеш.
Ти благодарам за се легендо, ќе ми недостигаш“, напиша Крајиновиќ на социјалните мрежи.
Болитиери имаше проблеми со инфекција на бубрезите, а неговата ќерка неодамна откри дека ситуацијата е тешка, пишувајќи дека се подготвуваат за негово заминување.
Болитиери е првенствено познат по неговата тениска академија на Флорида, низ која поминале многу големи тениски асови.
Самиот Болитиери не беше особено добар тенисер, а играше само во средно училиште.
Тренерската кариера ја започна во Порторико, а по десет години ја отвори својата академија на Флорида во 1978 година.
Привлече внимание со својот иновативен концепт бидејќи тенисерите можеа да живеат таму и да ја подобрат својата игра.
Работите не одеа толку добро, па тој ја продаде академијата на ИМГ, но остана како тренер.
Со млади тенисери работеше и на 88 години, долго време игнорирајќи ги здравствените проблеми, па на тенискиот терен беше до самиот крај.
