Аргентинците контроверзно ја прославија победата над пенали против Холандија откако буквално во лице им се радуваа на противиците, во таквата прослава предничеше Николас Отаменди.
Натпреварот меѓу Аргентина и Холандија изобилуваше со тензија, провокации, неспортски моменти и многу жолти картони. Кулминираше по мечот кога Аргентинците во лице им се радуваа на разочараните Холанѓани. Отаменди објасни зошто се случило тоа:
„Им славев во лице затоа што имаше еден холандски фудбалер, кој на секој пенал кој го изведувавме, доаѓаше и му зборуваше нешто на еден од нашите играчи. Сликата е извадена од контекст, ние славевме како одговор на тоа“, рече Отаменди.
На горниот дел од видеото може да се види дека кога Аргентинец оди да изведува пенал, во случајов тоа беше Лаутаро, неколку Холанѓани му зборуваат нешто обидувајќи се да го деконцентрираат.
