Португалскиот репрезентативец, Кристијано Роналдо, нема да биде во составот на Манчестер Јунајтед на вечерашното гостување кај Ливерпул (21 часот), а причина за тоа е шокот што го доживеа поради смртта на новородениот син.

Неговата свршеница Георгина пред неколку дена роди здраво девојче, но го загуби нејзиниот брат-близнак, што сега донесе огромна тага во целото семејство. „Ѓаволите“ веќе потврдија дека Португалецот нема да може да им помогне на соиграчите, со напомена дека семејството е најважно.

Ова е одложен меч од 30. коло од Премиер лигата, во кој Ливерпул нема право на грешка ако сака да остане во игра за шампионската титула.