Тренерот на Реал, Карло Анчелоти ќе го одмори капитенот на хрватската репрезентација Лука Модриќ во среда на првенствениот натпревар против Осасуна , како би бил свеж за следната недела и натпреварот против Манчестер Сити во полуфиналето од Лигата на шампионите.
Модриќ е еден од играчите кои се чувствуваат малку уморни, па утре ќе го одморам. Тој нема да игра утре, изјави Анчелоти на прес-конференција во Мадрид.
Модриќ, 36-годишниот најстар играч на Реал Мадрид, одигра 81 минута во неделата во победата со 3-2 над Севиља на гости, додека претходно мина 120 минути дома во поразот од Челзи со 2-3 во вторникот. Во продолжението, Кралскиот клуб стигна до полуфиналето на Лигата на шампионите бидејќи победи со 3:1 во првиот натпревар.
Водечкиот тим во шпанското првенство Реал Мадрид во среда ќе игра против деветтопласираната Осасуна, а потоа во вторник против англискиот шампион Манчестер Сити.
Анчелоти изјави дека ќе бара победа против Осасуна која ќе го доближи до титулата.
„Со победата против Осасуна, а потоа на домашен терен против Еспањол, ќе ја освоиме титулата. Не треба да бидам математичар за да го знам тоа“, изјави Анчелоти.
На Реал Мадрид за утрешниот натпревар ќе му недостасуваат и други играчи .
„Касемиро имаше мали проблеми на тренинзите. Исто така напаѓачите Јовиќ и Мариано се спречени да играат на овој натпревар. Но следната недела сите тројца треба да бидат подготвени за дуелот против Сити“, рече Анчелоти.
Реал Мадрид има 15 бода предност пред Барселона, Севиља и Атлетико. До крајот на првенството има шест кола.
Модриќ оваа сезона одигра 38 натпревари, на кои забележа девет асистенции и постигна три гола. Анчелоти го одмараше и на 9 април против Хетафе, три дена пред реваншот против Челзи. Реал Мадрид без Модриќ ги победи своите соседи од предградието на Хетафе со 2-0.
Во октомври, Реал Мадрид и Осасуна одиграа 0-0 на стадионот „Сантијаго Бернабеу“ во Мадрид.
