Барнли за кого игра нашиот репрезентативец Дарко Чурлинов, се врати на лидерската позиција откако славеше со 3-0 против КПР и сега има три бодови повеќе од големиот ривал Шефилд јунајтед во битката за враќање во Премиерлигата.

Барнли постигна два гола во првото полувреме преку Гудмундсон и Матсен, додека победата ја запечати Тела во 71. минута од натпреварот.

Шанса на теренот доби и македонскиот репрезентативец Дарко Чурлинов, и тоа по пауза од три месеци поради повреда.

Барнли има 44 бодови на првото место, по што следи Шефилд јунајтед со 41, а зад нив се Блекбурн со 36 и Норич со 35.