Денешната смрт на Синиша Михајловиќ ги потресе буквално сите фудбалски актери ширум светот, а од него јавно се збогуваа стотици клубови и илјадници играчи, тренери, функционери, оддавајќи му почит за се што направи за фудбалот.

Во негова чест денеска се играше и во Катар, каде што во пресрет на натпреварите за медали претстојниов викенд се играше ревијален меч на кој се појавија голем број поранешни ѕвезди како Кака, Снајдер, Гомеш, Гути… Мечот се играше во дресови без броеви, но сите со маркер го испишаа бројот 11 кој беше омилен на Михајловиќ, како и неговото име Синиша.

Од српската легенда се збогува и публиката на стадионот во Катар и тоа со еден последен аплауз.