Лука Модриќ ја предводеше Хрватска до нов одличен резултат, Хрватска ја освои бронзата на СП во Катар, а Модриќ останува во репрезентацијата!
Капитенот на хрватската фудбалска репрезентација Лука Модриќ уште еднаш ја предводеше Хрватска, одигра брилијантно и го заслужи сето ова.
„Направивме нешто страшно за Хрватска и нашиот фудбал. Го сакавме златото, бевме блиску, но можеме повторно да бидеме среќни и горди. Одиме дома како победници и тоа е она што го сакавме, пресреќни сме, ајде да славиме. ова е голема работа“.
Модриќ победи и направи многу, но два медали со репрезентацијата се нешто посебно.
„Секако дека е посебно, ова со репрезентацијата е нешто посебно и ме прави среќен. Се што правиме како тим ни помогна многу да растеме и Хрватска повеќе не е чудо. Сега сме константа во светскиот фудбал и тие повеќе не може да не гледаат како изненадување туку како суперсила!“
Она што многу значи е фактот што голем број „нови“ играчи покажаа дека можат да зачекорат во овој дрес.
„Не само денес и последниве години покажаа квалитет, донесоа нова енергија, тие се иднината на нашиот фудбал и таа е светла. Овој турнир ќе им помогне уште повеќе да растат, некои се на големо натпреварување за прв пат и имаат медал,мене ми требаа 12 години, поминав низ се и сешто“.
Останува ли Лука во репрезентацијата?
„Тоа е планот, кога веќе стигнавме до финалето на Лигата на нации, би било без врска да не го одиграм тоа, дефинитивно останувам за таму, а потоа ќе видиме.
