Елиф Елмас одигра едно полувреме за Наполи како стартер против Вилјареал, а беше заменет на стартот на второто полувреме при резултат 1:1.
Наполи потоа прими два гола и загуби со 2:3 во претпоследната контрола пред продолжението на италијанското првнство.
Етиен Капуе и донесе предност на Жолтата подморница од Шпанија во 12. минута.
Само 120 секунди подоцна Виктор Осимен израмни на 1:1 по големата грешка на гостите.
https://youtu.be/B5YtQeni8iw
Џексон погоди за нова предност на Вилјареал во 67. минута откако го измами репрезентативецот на Италија, Ди Лоренцо.
https://youtu.be/TCBXC7JMEuo
Шпанскиот тим зголеми на два гола разлика во 70. минута со голот на Џерард Морено.
Наполи го постигна последниот гол на пријателскиот меч за конечни 2:3, а стрелец беше Квича Кварацхелија од пенал во 79. минута.
Наполи ќе игра само уште еден тест меч против Лил на 21. декември пред продолжението на Серија А.
Коло во Италија ќе има на 4. јануари, а Наполи ќе игра дерби со Интер во Милано.
Тимот за кој игра Елмас е лидер во Калчото по 15 рунди со 41 бод, 8 повеќе од Милан, 10 од Јувентус и по 11 од Интер и Лацио.
