Манчестер сити славеше на гостувањето кај Брајтон со 4-1 во рамки на деветтото коло од англиската Премиерлига и така се приближи на само два бода од лидерот Челси.

По 31 минута игра „граѓаните“ имаа убедливо водство од 3-0 и беше јасно дека ќе ги освојат трите бода, а во листата на стрелци двапати се запиша Фил Фоден, додека еден гол даде Илкај Гундоган.

Почесниот гол за Брајтон го постигна Алексис Мек Алистер од пенал во 80. минута (1-3), по што Ријад Марез погоди за конечни 4-1.

Челси е прв со 22 бода, па следи Манчестер сити со 20, Ливерпул има 18, додека Брајтон и Тотнем имаат по 15.