Реал Мадрид со 2-1 загуби на гостувањето кај Виљареал, втор пораз за актуелниот шампион оваа сезона.

Двете екипи одиграа интересен меч, полн со шанси, уште во првото полувреме тргнаа офанзивно иако сите погодоци беа постигнати во второто полувреме.
По само две минути игра во вториот дел Менди направи голема грешка, тоа го искористи Џереми Пино кој донесе водство за Виљареал од 1-0.
Во 60. минута Реал Мадрид доби пенал по игра со рака на Фојт во сопствениот шеснаесетник. Бензема погоди од белата точка за израмнување на 1-1.
Но, овој резултат траеше неполни три минути кога и Виљареал доби пенал поради игра со рака на Алаба. Морено постигна гол од белата точка и го врати водството на домаќините, овојпат од 2-1.
Реал Мадрид падна на второто место со 38 бодови колку што има и Барселона која утре на гостински терен кај Атлетико Мадрид го игра мечот од ова коло.