Келн го демолира Вердер Бремен во вистинска голеада со 7:1, во натпревар од 16-то коло од Бундеслигата.

Фудбалерите на Келн во првиот натпревар во 2023 година, за само 36 минути му дадоа пет гола на поранешниот германски шампион.

Вердер е еден од петте тимови кои од 2000-та година па досега ја освојувале шампионската титула во Бундеслигата.

Гол шоуто на Келн го отвори Маина во деветтата минута, а потоа Тигес постигна два гола во 16-та и 21-та минута. На 4:0 зголеми Шкири во 31-та минута, а Денис Хусеинбашиќ во 36-та минута зголеми на 5:0.

Германскиот репрезентативец Никлас Филкруг во 38-та минута го постигна единствениот гол за Вердер на натпреварот.

Во второто полувреме, Келн даде уште два гола, Шкири во 54-та минута го постигна својот втор гол на средбата, а конечниот резултат го постави играчот на Вердер, Фридл, со автогол во 77-та минута.

Со овој триумф Келн се искачи на десеттото место на табелата со 20 бодови, додека Вердер има еден бод повеќе.