Извонредниот голман на Германија, Андреас Волф имаше фантастична партија со 17 одбрани и е најзаслужен што неговата селекција ја совлада Холандија со 33-26.

Фантастичниот Волф буквално ја откажа Холандија, германскиот голман имаше брилијантна партија со која ја однесе неговата селекција во четвртфиналето.

Германија благодарение на неговите одбрани ја имаше контролата врз резултатот во целиот тек и на крај дојде до убедлив триумф од 33-26. Кај Холандија Кај Смитс реализираше шест, но имаше и исто толку промашувања.

Во вториот дуел од овој термин, Данска со 33-24 ја совлада селекцијата на САД.

Покрај Волф кој беше прогласен за играч на натпреварот, фантастичен беше и Кнор кој постигна девет голови.