На македонскиот кошаркарски репрезентативец, Андреј Јакимовски, долго ќе му остане во сеќавање синоќешниот дуел на универзитетите, Вашингтон стејт против Аризона стејт (75-58), зашто беше најзаслужен за триумфот на неговата екипа.

Извонредниот Македонец средбата ја заврши со 22 поени, што е негов личен поентерски рекорд во двегодишната кариера во НЦАА-лигата.

Јакимовски за триестина минути на паркетот постигна пет тројки од десет обиди, а имаше и седум скокови и три асистенции.