Новак Ѓоковиќ по десетти пат  успеа да го освои Отвореното првенство на Австралија откако во финалето во три сета со 6:3,7:6,7:6 го победи грчкиот тенисер Стефанос Цицицас и не можеше да ги задржи емоциите да излезат од него.

По последниот поен на мечот, Новак дојде во ложата каде беа неговиот стручен штаб, мајката Дијана и братот Марко, и се расплака.

 

Новак минатата година немаше можност за одбрана на титулата поради депортацијата од Австралија, а во минатите две недели се мачеше со повреда на ногата поради која беше на удар на австралиските медиуми кои се сомневаа дека тој симулира.

И заради тоа, Ѓоковиќ многу емотивно го доживеа остварувањето на десеттиот триумф во Мелбурн.