Кошаркарите на Партизан го победија европскиот шампион Панатинаикос со 75-64 во рамките на турнирот „Павлос Јанакопулос“ и триумфално го завршија натпреварот во Атина на која присуствуваа околу 40 илјади навивачи на домашниот тим.
„Црно-белите“ со ова ги завршија подготовките пред стартот на новата сезона која за нив почнува на 25 септември со дуелот против Борац во АБА лигата. Панатинаикос беше ослабен со неиграњето на неколку важни кошаркари (Слукас, Браун и Лесор), но факт е дека играчите на Партизан воопшто не беа импресионирани од фантастичната атмосфера и го диктираа темпото речиси цел натпревар.
Панатинаикос успеа да се доближи на пет поени разлика во третата четвртина, но гостите беа подготвени за тоа и многу брзо ја вратија високата предност. Најголем проблем за Партизан беа слободните фрлања бидејќи играчите на Жељко Обрадовиќ промашија голем број на овој меч.
Уште еднаш немаше играч кој особено се истакна во редовите на Партизан, па најефикасен беше Вашингтон со 13 поени, Дејвис постигна 12, а Тајрик Џонс 11. Нан го предводеше Панатинаикос со 16 поени.
Натпреварот се одигра на отворено, на стадионот „Панатинаико“ пред околу 35.000 гледачи. Атмосферата беше неверојатна, европскиот шампион имаше огромна поддршка од трибините, но тоа се одрази позитивно и на избраниците на Жељко Обрадовиќ, кои одиграа одлична кошарка и на крај заслужено славеа на овој дуел.
„Црно-белите“ во ова финале беа без услугите на Алекса Димитријевиќ, Митар Бошњаковиќ, Ајзе Мајко, Аријан Лакиќ и Вања Маринковиќ.
Ова беше последен подготвителен натпревар на Партизан пред почетокот на новата сезона. Во среда, на 25 септември, белграѓани го пречекуваат Борац во првото коло од регионалната АБА лига во Белград.
