Реал Мадрид ја оствари третата победа во низа и вкупно четврта во сезоната откако на домашен терен го победи повратникот во лигата Еспањол со 4-1.
Триумфот е убедлив, но мора да се знае дека гостите од Барселона поведоа благодарение на автоголот на Куртоа во 54. минута кому топката му помина низ нозе и во обид да одбрани, ја внесе во голот. Само четири минути подоцна Карвахал израмни, а потоа Реал постигна уште три гола за убедлива победа.
Родриго го донесе Реал во водство по извонредна асистенција на Винисиус, Винисиус зголеми, а Мбапе го постави конечниот резултат од пенал, кој беше досуден во самиот финиш по извонредниот продор на младиот Ендрик. Интересно е тоа што Реал доби уште еден пенал но тој немаше влијание на конечниот исход.
Во пресрет на дуелот на Барса против Виљареал, Реал е на само еден бод негатива додека Еспањол е на 13. позиција со осум бода.
