Тимот на Астон Вила имаше предност од 2-0, но тоа не беше доволно да дојде до триумф против Челзи. „Сините“ од Лондон постигнаа два гола во второто полувреме и останаа непоразени, а во судиското продолжение Дисаси постигна уште еден, но не беше потврден од ВАР поради фаул во текот на акцијата.

Кукурелја си постигна автогол во четвртата минута, а Морган Роџерс во 42.минута зголеми на 2-0.

Нони Мадуеке погоди за 2-1 во 62.минута, а Конор Галахер израмни во 81.минута од натпреварот.

Нововлезениот Дисаси реализира за голема радост на „сините“ во 95. минута. Сепак, судиите го прегледаа голот со ВАР и го поништија поради фаул. Играчите на Челзи имаа замерки, но одлуката остана. Во следното коло Челзи го чека градско дерби со Тотенхем, додека Астон Вила патува кај Брајтон.

Со голот на Идриса Гај екипата на Евертон го совлада Брентфорд со 1-0 и се доближи до опстанокот во лигата.