Барселона славеше со 2-0 против Кадиз продолжувајќи ја победничката серија во шпанската Ла Лига, односно се врати на осум бодови предност пред Реал Мадрид.

До 43. минута од натпреварот мируваа мрежите, но потоа домаќините постигнаа два гола за неколку минути. Прво Серхи Роберто стигна до одбиена топка и ја испрати во мрежата на Кадиз, а потоа му асистираше на Роберт Левандовски за 2-0.

Каталонскиот гигант е прв во Ла Лига со 59 бодови, односно осум повеќе од Реал Мадрид, по што следат Реал Сосиедад со 43 и Атлетико Мадрид со 41 бод.