Поранешниот македонски репрезентативец Даниел Аврамовски се враќа во голгетерска форма, постигнувајќи го победничкиот гол за Сараево на гости против Слобода (2-3). Сараево направи голем пресврт откако имаше негатива од 2-0.

Аврамовски денеска е херој на Сараево, откако две минути откако влезе во игра, даде гол за победа со која „бордо тимот“ останува во трката за излез во Европа.

Аврамовски на минатиот меч со Посушје запиша асистенција за победата со 3-1, а денеска даде гол и полека се враќа во вистински ритам после една година откако последен пат се запиша во листата на стрелци за Сараево.

Слобода набрзина со два гола ги шокираше сараевчани преку Бекиќ до 14-та минута, па гостите за три минути од 33-та до 36-та успеаа да израмнат.

Сараево со 35 бода е шестопласиран, само пет бода од третиот Широки бријег во трката за место во Европа, а четвртиот Железничар има четири бода повеќе.