Фудбалската икона Лионел Меси сака да се врати во Барса, потврди таткото на фудбалерот и негов агент, Хорхе Меси, кој денеска се сретна со претседателот на каталонскиот гигант, Жоан Лапорта, пишуваат шпанските медиуми.
По средбата меѓу нив, Хорхе им кажа на новинарите дека враќањето во каталонската престолнина е опција за Меси и дека би сакал тоа да се случи.
Претходно во текот на денот стана јасно дека претседателот на Барселона не заминал во Јапонија на утрешниот пријателски меч со Висел Кобе токму затоа што го води процесот на враќање на аргентинската суперѕвезда.
💣💣💣 Jorge Messi: "Leo quiere volver al Barça y me encantaría que volviese"
— Mundo Deportivo (@mundodeportivo) June 5, 2023
✍️ @ap_angelperez https://t.co/o0FHBc7dyu
„Тоа е опција. Дали верувам дека може да се врати? Да“, им изјави таткото на Меси на новинарите.
Дека наскоро треба да се разјасни иднината на неговиот син потврди и Хорхе Меси.
„Разговаравме пред некој ден, но ништо конкретно“, додаде тој. Запрашан дали договорот е блиску, тој рече: „Ништо. Имаме уште многу да разговараме“.
Така, продолжуваат да се преземаат чекори за што поскоро да стане реалност враќањето на капитенот на Аргентина на „Камп Ноу“. Состанокот, кој траеше само 40 минути, ја истакна желбата на двете страни да се обидат да постигнат договор со одобрение од Ла Лига.
Лео Меси има примамлива понуда од Саудиска Арабија Ал-Хилал и Интер Мајами, но Барса се обидува да ја врати аргентинската суперѕвезда дома.
