Црвена Звезда синоќа на домашен терен загуби со 0-1 од Митјиланд во рамки на 4.коло во Лигата на Европа. Навивачите на белграѓани за поразот најмногу го обвинуваат главниот судија од Унгарија Тамаш Богнар.

Тој уште во 12.минута го исклучи Милош Дегенек, а во финишот од средбата и Марко Гобељиќ. По натпреварот додека судиите го напуштаа теренот од трибините беа фрлени огромен број тврди предмети.

Полицијата мораше да направи кордон за судиите да можат да влезат во соблекувалната, а најдебелиот крај го извлече кондицискиот тренер на Звезда, Федерико Панончини. Тој беше погоден со тврд предмет во главата и целиот крвав бараше помош. Медицинските тимови веднаш реагираа и Панончини беше префрлен во болница. Тој има пукнатина на черепот и ќе мора да остане во болница.