Македонскиот репрезентативец Миовски продолжува со головите за шкотски Абердин, па после голот и асистенцијата за четири минути во четвртокот кај Хакен во плејофот за Лига Европа (2-2), денеска македонскиот центарфор со нов гол и тоа буквално во 100. минута му донесе бод на својот тим на гости кај Сент Мирен.

За Миовски ова е петти гол во пет натпревари досега, а има и две асистенции. Македонскиот голгетер реализира пенал во 90+10-та минута од мечот за да израмни, откако Абердин по 42-та минута водеше со гол на Хајес, ама Сент Мирен направи пресврт преку Кити и Грив во 59-та односно 76-та минута од мечот.

Абердин сѐ уште нема победа во шкотскиот Премиершип и има два бода од три натпревари, две ремија и пораз досега во три кола, и е трет одзади на првенствената табела.

Абердин в четврток дома ја има шансата после 2-2 во Шведска со било каква победа да обезеди групи во Лига Европа.