Уште еден рекорд на големиот талент на Барса. Откако во текот на оваа недела стана најмлад стартер во историјата на Лигата на шампионите, тинејџерот на Барселона, Ламин Јамал  собори уште еден сличен рекорд.

Тинејџерот го спаси очајното прво полувреме на својот тим против Гранада и во судиското продолжение погоди за 1-2, а со тоа стана најмлад стрелец на гол во постоењето на Ла Лига. Јамал се запиша во листата на голгетери со само 16 години и 87 дена, соборувајќи го досегашниот рекорд на камерунскиот фудбалер Фабрис Олинга кој во 2013 година, како играч на Малага погоди против Селта со 16 години и 191 ден.

Кога станува збор за Барселона, досегашен најмлад стрелец во историјата на клубот беше Ансу Фати, со 16 години и 304 дена.

Барселона постојано напаѓаше и на крајот во судиското продолжување успеа да го скрши отпорот на домашната одбрана. Младиот 16-годишен Ламин Јамал погоди за 2:1 и со тоа постави историски рекорд за каталонскиот гигант. Момчето кое е родено на  13 јули 2007 година стана најмладиот стрелец со 16 години и 87 денови, не само во историјата на Барселона туку во историјата на шпанското првенство.

Јамал претходно стана најмлад асистент на погодок во првенството, а потоа стана и најмлад стрелец во историјата на шпанската репрезентација.