Португалецот, Кристијано Роналдо игра во фантастична форма за репрезентацијата и постави неколку нови рекорди како капитен на Португалија, но извонредниот ритам го продолжи и во Саудиска Арабија.

Ал Наср повторно мораше да прави пресврт на домашен терен и славеше над Дамак со резултат 2:1, а победничкиот гол беше дело на португалскиот ветеран кој во последно време игра како препороден.
По водството на гостите, фаворитот мораше да брка резултат и израмни преку Талиска во 53-та минута од слободен удар, но четири минути подоцна пристигна потегот на мечот.

Роналдо последните години често беше исмејуван за лошиот процент на голови од слободен удар, но денеска потсети на најдобрите времиња и постигна фантастичен гол за 2:1.

Кристијано перфектно ја изведе техниката со која посебно се прослави во Премиер лигата, а овој гол неверојатно потсети на оној кој го постигна против Шпанија пред неколку години.