Астон Вила приреди изненадување победувајќи со 1-2 на гостувањето кај Тотенхем во 13. коло од англиската Премиер лига. „Петлите“ беа многу помотивирана екипа, но гостите од Бирмингем успеаја да заминат со целиот плен од Лондон.

 

Првото полувреме донесе навистина интересен и возбудлив фудбал. Тотенхем го напаѓаше гостинскиот гол од сите страни и имаше неколку одлични шанси, а најзрелата од нив ја искористи Аргентинецот Џовани Ло Селсо, од работ на шеснаесетникот во 22. минута успеа да го „матира“ сонародникот Мартинез. Астон Вила одигра лошо прво полувреме, но во самиот финиш успеа да стигне до израмнување преку Пау Торес и го замолкна преполниот “Вајт Харт Лејн“. Резултатот на паузата беше 1-1.

За Тотенхем тоа беше трет пораз по ред во Премиерлигата, а на натпреварот му беа поништени и три гола на Хеунг-Мин Сон од страна на ВАР-технологијата.

Видео технологијата му ги поништи сите голови на Сон поради офсајд, а за да биде уште потрагичен денот за него, тој промаши и неколку добри шанси.