Екипата на Атлетико Мадрид со десетмина фудбалери стигна до важна победа (1-0) во заостанатиот натпревар против Севилја. Тимот на Диего Симеоне од 70.минута играше со фудбалер помалку поради исклучувањето на Чаглар Сојунџу, но успеа да ги освои трите бода.

Стрелец на победничкиот гол за Атлетико Мадрид беше Маркос Љоренте во 47.минута од дуелот. По ова, мадридскиот тим се наоѓа на третата позиција на табелата со 38 бода колку што има и Барселона, седум помалку од лидерот Реал Мадрид.