Лутон направи огромен исчекор во битката за опстанок во Премиер лигата, откако на Боксинг деј во релативно луд натпревар, како гостин, го совлада директниот ривал Шефилд јунајтед со 3-2.

Тоа беше пресметка со два резултатски пресврта и два автогола, па на крајот фудбалерите на гостинскиот состав со само еден погодок дојдоа до драгоцени три бода. Лутон поведе со голот на Доути во 17. минута, а Шефилд Јунајтед во првата половина од второто полувреме во само осум минути направи пресврт.

Мекбрни во 61. минута изедначи, а Ахмедхоџиќ во 69. минута им донесе водство на домашните, но потоа следуваа уште два гола на нивните соиграчи, но за жал во сопствена мрежа. Робинсон во 77. минута и Слимане четири минути подоцна со автоголови му донесоа нова предност на гостинскиот состав, овој пат за конечен триумф.

Борнмут одигра уште еден одличен натпревар и го победи Фулам со 3-0 на Боксинг Деј. Џастин Клајверт донесе водство во 44.минута, Доминик Соланке од пенал зголеми на 2-0 во 62.минута, а третиот гол беше дело на Луис Синистера во судиското продолжение.