Реал Мадрид се пласира во финале во Суперкупот на Шпанија, во драматичен натпревар го совлада својот градски ривал Атлетико со 5-3, по продолженија.

Реал и Атлетико Мадрид, одиграа спектакуларен натпревар во полуфиналето а триумфот одново им припадна на „кралевите“.

 

Ермосо после корнер со удар со глава донесе водство за Атлетико во шестата минута од мечот, но Реал бргу возврати и поведе со 2-1, откако по еднаш погодија двајца дефанзивци, Антонио Ридигер и Ферлан Менди. Нешто подоцна, Антоан Гризман не дозволи „кралевите“ да заминат на пауза со водство, откако погоди во 37. минута и на одморот резултатот гласеше 2-2.

 

Пред крајот на полувремето почна вториот пресврт со голот на Гризман, за потоа Ридигер да го комплетира со комичниот автогол за кој придонес имаше и Кепа. На пет минути пред крајот на натпреварот, на 3-3 израмни Карвахал и го однесе мечот во продолженија.

 

До 116. минута важеше тој резултат, а потоа Хоселу и Брахим Дијаз го совладаа Облак и го однесоа Реал во големото финале.

Натпреварот во Ријад донесе прекрасен фудбал, со многу голови и шанси и на двете страни ,со три пресврти. Фудбалските фанови имаа можност да уживаат во неверојатен дуел на кој беа постигнати осум голови.

За трофејот Реал ќе се бори в недела, против подобриот од мечот меѓу Барселона и Осасуна кој се игра во четврток во 20 часот.