Вечерва, аргентинскиот фудбалер, кој ја напушти Барселона без надомест по истекот на договорот, пристигна на Паркот на принцовите. Тој беше фотографиран во нов дрес на стадионот ПСЖ. Го одбра бројот 30, број што го носеше во младоста во Барселона.
Бројот 30 е резервиран за голмани во францускиот фудбал. Исто како што бројките на „голманите“ во Шпанија се 1, 13 и 25, во Франција тие се 1, 16 и 30. Сепак, третиот голман на париската екипа Александар Летелие му го препушти бројот на најдобриот фудбалер во светот, а ПСЖ побара дозвола од француската лига.
