Бохум одлично го започна натпреварот, со гол на Витек уште во седмата минута, но Дани Олмо во 30. минута изедначи на 1-1.
Лајпциг во 65. минута направи тројна измена, а меѓу оние кои влегоа беше и Елиф Елмас.
Работите веднаш се променија и следуваа три голови на Лајпциг, погодија Опенда и Поулсен, а автогол си даде Орбетс за победа од 4-1.
Елиф режираше двојно додавање со Симонс и го стави соиграчот во одлична ситуација, а овој додаде до Поулсен кој ги постави конечните 1:4.
Акцијата погледнете ја ТУКА
Гостинска победа забележа и Борусија Дортмунд која со голови на Адејеми и Матсен со 2-0 славеше кај Унион Берлин.
Најубедлив беше Аугсбург кој со 6-0 беше подобар на гостувањето кај Дармштад, гостински триумф забележа и Ајнтрахт кај Хајденхајм со 2-1.
Единствен непоразен домаќин во Бундеслигата денеска беше Мајнц кој одигра 1-1 со Борусија Менхенгладбах.
РБ Лајпциг останува на петтото место во Будеслигата и сега има 43 бода, а во следното коло ќе биде голем фаворит на домашен терен против екипата на Дармштадт.
