Виљареал се враќа во форма и стигна до третиот триумф во низа откако победи во спектакуларен меч на гости во Севиља кај Бетис со 2-3.
„Жолтата подморница“ имаше негатива по првиот дел, но до крајот во трилер натпревар успеа да извојува многу важна победа. Родригез и Вилијан Жозе беа стрелци за Бетис, додека на спротивната страна прецизен беше Баена. Домаќинот замина на паузата со предност од 2-1.
Уште на стартот од второто полувреме домашните навивачи добија „студен туш, откако нивните миленици ја прокоцкаа предноста по само три минути игра. Трагичар беше Гркот Папастатопулос, кој си постигна автогол, а до комплетен пресврт дојде дваесетина минути подоцна, кога искусниот Александар Сорлот донесе прво водство за гостите.
Виљареал до крајот успеа да ја задржи предноста и заслужено славеше со 2-3. Двата тима останаа со играч помалку во 70 и 71. минута, а исклучување заработија Чими Авиља и Алберто Морено. Двајцата мораа да го напуштат теренот поради два жолти картони, а за Аргентинецот Авиља ова беше втор домашен натпревар по ред на кој предвреме му е покажан патот кон соблекувалната
Виљареал се проби на единаесеттата позиција со 35 освоени бодови, додека Бетис забележа втор последователен пораз и остана на седмото место со 42 бода.
