Фудбалерите на Аргентина со три гола во второто полувреме успеаа да направат пресврт и да триумфираат (3-1) во контролниот натпревар против Костарика.
Актуелните светски шампиони се разбудија после одморот, направија кам-бек кој беше најавен од искусниот Анхел Ди Марија кој постигна страшен гол во 52 минута, вистинско ремек дело.
Во отсуство на повредениот Лионел Меси, фудбалерот на Бенфика ја презема одговорноста да шутира од слободен удар, па погоди перфектно со тоа што во оваа ситуација голот го разубави и голманот Кејлор Навас кој се испружи колку што е долг.