На девет кола пред крајот на сезоната, Манчестер Јунајтед има 11 бода помалку од Астон Вила и осум од Тотенхем поради што полека згаснуваат сите надежи за пласман во Лигата на шампионите.

 

Екипите на Брентфорд и Манчестер Јунајтед играа повеќе од 90 минути без гол, а потоа во судиското продолжение постигнаа дури два, по еден во двете мрежи. На крајот дуелот заврши 1-1, што веројатно повеќе му одговара на домаќинот кој ја прекина низата порази.

Мејсон Маунт во 96.минута донесе гол за радост на фановите на Манчестер Јунајтед.

И кога се чинеше дека тоа веројатно ќе значи и победа, сепак, со тоа не се сложи Кристофер Ајер. Домашниот дефанзивец постигна гол за израмнување во 99.минута од мечот.