Јамал на само 16 години израсна во голема фудбалска ѕвезда и веќе е незаменлив во стартната постава на Чави Ернандес, но истовремено стана многу важен и за шпанската фудбалска репрезентација.

Голобрадото момче следи примери на свои повозрасни колеги како Педри и Гави, но истовремено е свесен дека не смее да го повтори примерот на оној првиот, особено во сезоната кога буквално беше истрошен на клупски и репрезентативен план.
Гави одигра повеќе од 70 натпревари во 2021-ва година и по напорната сезоана со Барса играше на Европско првенство и на Олимписки игри, а сето тоа зема данок и направи да има сериозни проблеми со повреди во продолжение од кариерата.

Јамал не сака да се повтори истото и нагласи дека има само еден приоритет за претстојното лето, а тоа е пласман на фудбалскиот турнир во Германија.

– Нема логика да играм на двата турнири, бидејќи уште од самиот старт кога почнав во Барселона, ми беше предложено да не се трошам премногу и да не играм премногу. За мене е гордост да играм за Шанија.

– Педри за жал е пример за тоа колку фудбалот може да биде суров, тој е пример дека не треба да се форсира на таа возраст. Мислам дека многу работи ќе бидат појасни од тоа како ќе се претставиме на Европското првенство. За мене најважна цел е да бидам на Европското првенство, – открива Ламин.