Каков спектакл. Кјелце постигна 6 гола во низа и победи со Барселона по втор пат за една недела

По неверојатниот пресврт Кјелце вторпат по ред ја совлада Барселона. Во натпреварот од 8. коло во Лигата на шампионите, екипата на Кјелце победи против шпанскиот гигант 29:27 (14:16).

Екипата на Барселона имаше водство на полувремето. И највисока разлика во второто полувреме од 27:23.

Но тука на сцена стапи голманот на домаќините Андреас Волф и поранешниот вардарец Алекс Душебаев.

Направија фуриозна серија од 6 голови во низа и со конечни 29:27 ја поразија Барса.

Најефикасен на натпреварот беше токму Душебаев, а Волф имаше 9 одбрани.