Атлетико Мадрид ја победи екипата на Борусија Дортмунд со 2-1 во првиот четвртфинален натпревар од ЛШ и со минимална предност ќе патува на реваншот во Германија. Атлетико дојде во водство со 1-0 уште во четвртата минута преку аргентинецот Родриго Де Пол. Одбраната на „милионерите“ направи уште една кардинална грешка во 32. минута, која најдобро ја искористи Самуел Лино и ја зголеми предноста на домашниот тим на 2-0.

Вторите 45 минути донесоа нови шанси за Атлетико, Лино и Гризман имаа одлични шанси за трет гол, но не реализираа. Делуваше дека Атлетико ќе го приведе полека мечот кон крајот, но Дортмунд од нигде никаде се избори за добра позиција која ја искористи Себастијан Але кој погоди за за 2-1 во 81. минута. „Ванда Метрополитано“ за момент замолкна, но домашните играчи се обидоа да се консолидираат и во завршните минути тргнаа во нов налет кон гостинскиот гол.

Гостите од Германија повторно грешеа во одбраната, но имаа среќа и до крајот успеаја да се изборат за минимален пораз со конечни 2-1. Дортмунд на крајот имаше уште една шанса за израмнување преку Бранд кој ја погоди пречката со глава и можеше да се избори за реми, но сепак, со еден гол негатива ќе го пречека ривалот на „Сигнал Идуна Парк“ следната недела.