На Реал Мадрид му припадна првото полувреме. Резултатот беше отворен во 24. минута кога по една фантастична асистенција од Крос, со една длабочинска топка, бразилскиот напаѓач Винисиус излезе сам пред Нојер и погоди за водство од 1-0.
По осум минути игра во второто полувреме, Лирој Сане постигна одличен погодок со силен шут откако претходно влезе во шеснаесетникот со една соло акција.
Четири минути подоцна се случи комплетен пресврт, Хари Кејн реализираше пенал за водство на Баерн Минхен од 2-1.
Баварците сепак не го сочуваа водството, пенал беше досуден и за Реал Мадрид, погоди Винисиус од белата точка во 83. минута за конечни 2-2.
