Ел Кааби по само 10 минути го шокира гостинот од Бирмингем и донесе водство од 1-0 на Олимпијакос, по што Астон вила тргна по израмнување, но не ги реализира своите шанси.
Казната пристигна во 79. минута кога Ел Кааби повторно стрелаше за триумф од 2-0 на Олимпијакос.
По изненадувачкиот триумф во Бирмингем, Олимпијакос и вечерва докажа дека е спремен за големи нешта, а тоа одново го потврди Ел-Кааби, кој беше стрелец на двата гола на натпреварот. Треба да се напомене дека искусниот Мароканец беше вистински хит на „Вила Парк“ пред седум дена и автор на три гола на Олимпијакос.
Во големото финале „црвено-белите“ ќе се судрат со Фиорентина, која во полуфиналниот двомеч беше поуспешна од Клуб Бриж.
Натпреварот за трофејот е закажан за на 29 мај на стадионот на АЕК во Атина.
Финалето во Конференциската лига се игра на 29 мај од 21 часот.
