Драма со среќен хепиенд за Хрватска на почетокот од Олимписките игри, Јапонците имаат и шест плус гола, но Хрватите со голем пресврт дојдоа до победа која ја донесе Мартиновиќ во последните секунди од мечот.

Јапонија имаше импресивно отворање на мечот, а одличен беше поранешниот Вардарец, Јасухира кој беше убедливо најдобриот ракометар на теренот со десет голови и пет асистенции. На одморот Јапонците имаа предност од 18-13.

Во второто полувреме Јапонија на двапати дојде и до водство од шест голови разлика, беше 23-17 кога Хрватска почна неверојатна серија од 8-1 и комплетно го сврте мечот во своја корист.

Последните минути поминаа во изедначена игра во која Јапонците ги промашија своите шанси, а Мартиновиќ погоди во последната секунда за победа на Хрватска од 30-29.

Најефикасен во составот на Хрватска беше Шоштариќ со шест голови, Мартиновиќ и Михиќ постигнаа по четири. Кај Јапонците Јасухира постигна десет голови.